ثقافةمحافظات

آه ….يا بلد


آه ….يا بلد

آه يا بلد ليكى ناس وناس

العدل فيكى مالوش اساس

مات فيكى العدل والإنصاف

الشعب عايش من بكرة بيخاف

عاد من دنيتك بيطلب الخلاص

حياته بارضك والله إعجاز

من غلو الميه والكهربة والجاز

مفيش بحاله أبدا أحساس

الفقير يموت ده أكبر أنجاز

الفقير فيكى عاد منه كتير

عايش للظلم عبد وأسير

واقف على رأسه غفير

لو ينطق بس بالآه

بوجودنا أبدا ما نلاقاه

عايش حضناه همومه

بكرة يمشى من غير هدومه

الأرامل بيتاجروا بأجسادهم

عشان يقدروا يربوا ولادهم

إللى غابت بأرضك أعيادهم

والا أنت خلاص موش بلدهم

أزاى ده يبقا ليكى حال

تجبرى ناسك ع الحرام

وفيكى الأزهر منار الأسلام

أهله بس تجار كلام

دول بس عملاء للأعلام

خلوا النور بسماكى ظلام

أشتروا الدنيا وجمع المال

موش فارق معاهم حرام وحلال

ليه يا بلد الشعب عليكى هان

التسوال عاد بكل مكان

فى كل رصيف وميدان

والله يابلد عمار عمار

الشعب حياته مرار

موش لاقى هنا وأستقرار

يالا ابنى له مطار ومطار

عشان يبقا من أرضك بفرار

دا الظلم فيكى له بذور وثمار

كأن بينك وبين الشعب تار

أمتى العدل يبقا له فجر ونهار

كلمة الحق بدنيتك حصادها نار

نفسى أشوف فيكى يا بلد جديد

ألاقى الشعب كله متحد وسعيد

كله مشبك الأيد ف الأيد

محدش عايش بداومة وحيد

بس الظلم له أيد من حديد

طايل الطفل وهو بمهده وليد

العدل من تحت سماكى طريد

بقلم
عادل جاد

Related posts

جريدة الاحلام المصريةالمركز الكشفي العربى يحتضن لجنتي خدمة تنمية المجتمع والبرامج والأنشطة

Alahlam Almasrih

محافظ دمياط تشارك بفعاليات توزيع جوازات سفر ومستلزمات الحجاج لبعثة حج الجمعيات

Alahlam Almasrih

الاحلام المصريةوزير النقل توريد وتصنيع 1300 عربة سكة حديد جديدة للركاب

Alahlam Almasrih