بقلم /سالى ميخائيل
يا بتوع التكنولوجيا …..هاتولى نضاره
اشوف قلوب البشر …من جوه بجداره
اشوف ورا الاقنعه…. ..قلوب بحجاره
تخلص لما تشفطك……وتشد الستاره
وقلوب جواهاسواد ….فى الكره مكاره
وقلوب ماتعرف خشا……تفترى بمهاره
وقلوب عايشه بأمل…تتشعلق فى اشاره
وقلوب قاتلها العدم …….محتاجه لأراده
وقلوب عاصرها الالم …….بتحب بحراره
أرجوك خد لعبتك ………..عنيا محتاره
ياريتنى مالبستها …..خاليتنى فى مراره
وكفايا اشوف عادى ….الناس ورا ستاره