اخبار عاجلة تحقيقات

عااااااجل تحية لهذا لضابط المحترم والانسان

14922264_1136296033086242_5682204884857427972_n
بقلم
رئيس التحرير
احمد عيسي بدير
تاجر آدوات منزلية راح للقسم لتنفيذ حكم قضائى على سيدة آخدت منه ثلاجة بالقسط علشان تجوز بنتها و تآخرت عليه فى دفع الآقساط و فعلا ذهب آمناء المباحث الى عنوان السيدة لتنفيذ الحكم فوجدوا ان السيدة مسنة و مريضة و لا تستطيع الحركة و حالتها صعبة جدا
و رجعوا للقسم و لم يحضروا السيدة المسنة اللى عليها الحكم
تاجر الآدوات المنزلية لم يعجبه هذا التصرف و اصر على تنفيذ الحكم و طلب ان ينفذ رئيس المباحث الحكم بنفسه
و بالفعل ذهب رئيس المباحث بنفسه و معاه قوة من القسم لتنفيذ الحكم فوجد السيدة مسنة و حالتها الصحية و المادية صعبة للغاية
و لما سآلها ليه يا حاجة مدفعتيش الاقساط اللى عليكى ؟
قالتله يا ابنى العلاج بقى غالى قوى و المعاش زى ماهو و بنتى مش بتساعدنى علشان هى و جوزها على قد حالهم و انا اتحايلت على ؟؟(التاجر) انه يصبر عليا شوية و انا هدفعهم علشان مش عاوزة اقابل ربنا و انا فى ذمتى حاجة لحد (طبعا الست كانت خايفة و مرعوبة و بتترعش و العرق نازل على وشها زى المطر )
المقدم تامر فراج انتى عليكى كام يا حاجة من تمن الثلاجة؟
1300 جنيه يا ابنى
راح التاجر قاله لا ياباشا عليها 2000 جنيه
1300 جنيه متاخر و 200 جنيه فوائد و 500 للمحامى
رئيس المباحث كتم غيظه و قاله اتفضل روح محلك و فلوسك الست هتبعتهالك بعد ساعة زمن و بالفعل التاجر راح محله و طلع المقدم تامر فراج ال 2000 جنيه من جيبه و بعتهم الى التاجر و طلب منه يخلص موضوع القضية
الست قعدت تدعى ل رئيس المباحث اكتر من ساعة متواصلة و هى بتعيط
رئيس المباحث طلب من السيدة عمل توكيل لمحامى علشان ينهى القضية و تكفل المقدم تامر فراج بآتعاب المحامى
“”طبعا ساتحفظ على اسم تاجر الآدوات المنزلية (الله يحرقه)
وعلى اسم السيدة للخصوصية ”
موقف إنسانى محترم ل رجل قانون يطبق روح القانون
كل التحية و التقدير والشكر ل سياده المقدم تامر فراج رئيس مباحث حدائق القبة
اتمنى ان يتكرر المقدم تامر فراج فى كل آقسام و مراكز مصر
و اخيرآ
و هذا حق الرجل علينا مع العلم انه سيفاجئ انى علمت بالموضوع من اطرافه و الاكيد انه لا يتوقع ان انا بالذات ساكتب هذا البوست
شكرا لسياده المقدم تامر فراج و جعل الله موقفك الإنسانى فى ميزان حسناتك

Related posts

القومى للمرأة بأسيوط ينظم قافلة طبية ويوزع 500 بطانية ويعقد عدد من الندوات الصحية بجزيرة الساحل وتوابعها

Alahlam Almasrih

برافو مديرية الطب البيطرى بكفر الشيخ

Alahlam Almasrih

إنهاء ٧٧٪ من ملفات «الطعن الضريبي» حتى نوفمبر الماضي تحصيل ١٠٤ مليارات جنيه ضرائب مستحقة فى ١٢٦ ألف ملف ميكنة اللجان تضمن الشفافية وتوحيد مبادئ التقييم وتحقيق العدالة

Alahlam Almasrih