حوادثشاشة

في بعض الأحيان يتحول الفرح الي ماتم بسبب إلاهمال الشباب

في بعض الأحيان يتحول الفرح الي ماتم بسبب إلاهمال الشباب
شبابنا الصغير في خطر
كتب هلال عبدالله
اليوم لن أتحدث عن التدخين أو تعاطي المخدرات ولكن سأتحدث عن ظاهرة انتشرت كانتشار النار في الهشيم وأفسدت الذوق العام وأفسدت علي الجميع فرحته وهي ظاهرة عنننننننننننن بالموتوسيكلات حضرتك رايح تجامل صاحبك جارك قريبك في فرحه مش لازم تخمس وترفع أحصنه وتقلب البنزين وتشيل قلب الشكمان عشان الصوت المزعج والموتوسيكل يطير يلبس في العربيات يلبس في واحد يعفر علي خلق الله يلبس في بترينة محل واحد غلبان وناس تموت وناس تصاب حضرتك جاي تفرح صاحبك مش جاي تقرفه أنا كصاحب فرح لو هتجاملني بهذا الشكل القبيح فأنا لا أريدك أنت تفسد فرحة من تجامله حوادث وكوارث وضوضاء وضرر عام وضرر خاص بإتلاف الموتوسيكل سواء ملكك أو مأجره وعلي فكره لو معتقد ان بكل الأفعال الهمجية اللي بتعملها كده أنت روميو أمام البنات وحليم عصرك وأوانك بالعكس أنت شاب تافه وبتعمل أمور أهل الفرح نفسهم مش عايزنها ولا حابينها وبتحصل خناقات كتير بسبب هذا التخلف جامل صاحبك وأخوك بشكل لائق أرقص أفرح وفرحه بشكل جميل وشيك لا تبهدل نفسك ولا تبهدل أهل الفرح معاك وتحافظ لصاحبك علي فرحته وتتم علي خير مفيش مانع تعملوا شكل جمالي بالموتوسيكلات أمام الزفة مع العربيات تلاكسات وكاسيت بدون أي همجية صاحبك أو أخوك عمر فرحته ما بتكمل بهذا الهبل وكل واحد يا ريت يربي ابنه أوعي تكون فرحان بان أبنك همجي ومتخلف بهذا الشكل القبيح عشان في الأخر بتبكي عليه وبتبكينا معاك للأسف ..
أتمني تغيير هذه العادات السيئة والمستحدثة

Related posts

اتيكيت الاحتفال بنصر أكتوبر ال ٤٨ في البيوت المصريه . بقلمي خبيرة الاتيكيت د.شريهان الدسوقي

Alahlam Almasrih

من رواد الحركة الكشفية اليمنية أبن الوادي والصحراء القا ئد/أحمد حامد الجفري

Alahlam Almasrih

ضبط تشكيل عصابى بدائرة مركز سيدى سالم سرقة الدراجات النارية

Alahlam Almasrih